Rusiya ABŞ-ın Şərqi Avropada antiraket müdafiə sistemləri qurmasına asimmetrik cavab hazırlayır. APA-nın məlumatına görə, bunu Rusiya Müdafiə Nazirliyinin beynəlxalq hərbi əməkdaşlıq üzrə baş idarəsinin rəisi, general-leytenant Yevgeni Bujinski deyib.
O, ABŞ-ın Qafqazda raket əleyhinə müdafiə radarları yerləşdirmək istədiyini istisna etmədiklərini bildirib: “Gürcüstan belə bir radar üçün əlverişsiz coğrafi şəraitə malikdir, çünki burada yerləşdiriləcək radar İran ərazisinə nəzarət etməyə imkan verməyəcək. Əlbəttə, radar üçün ideal yer var - bu, Azərbaycandır. Amma Rusiya ümid edir ki, Bakı Vaşinqtonla belə bir sövdələşməyə getməyəcək. Hər halda, İranda 25 milyona yaxın azərbaycanlı yaşayır”.
APA